రోజంతా నీడలు మోస్తూ ..
భూమి ఇప్పుడే చీకటి కౌగిల్లో ఒదిగింది.!

* * *

చూరు కింద, గూటిలో చీకటి. 
పక్షులు నిశ్శబ్దంగా రేపటి కోసం ప్రార్దిస్తున్నాయి 

* * *

తలెత్తి నవ్వుతుంది పువ్వు
తనలాంటి స్వచ్చతను సవాలు చేస్తూ ..!

* * *

అక్షరాలన్నీ కుప్పనూర్చా
ఆకాశానికి పద్యాల ఊయలలేద్దాం రా..!

* * *

చదువు వలేసి ఉదయాన్నే
బాల్యాన్ని బుట్టలో వేసుకుంటూ స్కూళ్ళు

* * *

ఉదయాన్నే జనాలని మింగుతూ
నోళ్ళు తెరిచిన ఆఫీసులు

_____________ (29/1/2014)_____